【介紹返，可愛的蘇戚勤】 佢係蘇家嘅寵物，黃色皮膚圓蛋身形人見人愛，取名戚勤(Chicken)因為佢係一隻雞仔(但佢自己唔知道)。 戚勤以為自己係隻雀仔，自細已經好想學飛，而蘇家上下亦無特別話返比佢知道真相，因為一來唔想傷害佢弱小嘅雞心靈，二來係因為佢地好欣賞蘇戚勤咁細個已經咁有夢想，話唔定將來，佢真係會變成一隻可以喺天空振翅翱翔嘅雞呢！