【重陽糕】 香港嘅重陽節除咗要登高行山之外，究竟仲有咩傳統習俗要跟呢？ 下圖所見就係重陽糕，新年食年糕、蘿蔔糕，但原來重陽節都有應節嘅糕類食品。 重陽糕又名花糕、菊糕或者五色糕。重陽糕主要由糯米同紅棗製成。通常會喺糕面用配料砌成菊花嘅樣子，有啲講究嘅人更會故意製作九層嘅重陽糕嚟應節！ 重陽節傳統習俗上除咗食重陽糕之外，當然仲有飲菊花酒、放風箏、戴茱萸等等，今個重陽大家都可以照住做去應節，增加節日嘅氣氛。